AVRO-2016: “Bakıda Avropanın yox, dünyanın ən güclülərinə qarşı oynadıq”

“Belə oyunlarda 1 top çox şeyi həll edir. Bu gün də biz həmin qolu vura bilmədik”. Futbolxeber.az saytına müsahibəsində bu sözləri Serbiyanın U-17 millisinin baş məşqçisi İlija Stolika deyib.

Bakıda keçirilən Avropa çempionatının üçüncü turunda Hollandiyaya 0:2 hesabı ilə uduzan Serbiya yığması qrupda qalıb. Bu nəticəyə baxmayaraq, Stolika komandasının çıxışından razı qaldığını qeyd edib: “Bütün çempionatı nəzərə alsaq, komandamdan razıyam. Futbolçularım sübut etdilər ki, hər bir komandaya qarşı başabaş oynaya bilərlər. Burada Avropanın yox, dünyanın ən güclülərinə qarşı oynadıq. Futbolda kim uğur qazanırsa, deməli, o da güclüdür. Biz çox söz deyə bilərik. Lakin tarixdə nəticə qalır”.

Serbiya millisinin çalışdırıcısı təşkilatçılıqdan razılığını ifadə edib: “Təşkilatçılıqdan çox razıyam. Burada özümüzü evdəki kimi hiss etdik. Düşünürəm ki, nə vaxtsa yenidən Bakıya qayıdacağıq”. 

"Layihə AFFA yanında Media Komitəsi tərəfindən maliyyələşdirilir"