Rəşad Sadıqovdan U-17-yə dəstək: “Təbriz Həsənovun yükü öz üzərinə götürməsi effekt verdi”

Milli komandamızın kapitanı Rəşad Sadıqov Avropa çempionatında çıxış edən U-17 yığmamız haqda danışıb. Futbolxeber.az saytına müsahibəsində təcrübəli futbolçu gənclərin çıxışından razı qalmaqla yanaşı, komandanın baş məşqçisi Təbriz Həsənovun işini də yüksək qiymətləndirib: “Mən komandamıza inanırdım. Portuqaliya ilə məğlubiyyətdən sonra da bilirdim ki, növbəti görüşlərdə yaxşı çıxış edəcəklər. U-17 həm Belçikaya, həm də Şotlandiyaya qarşı yaxşı oynadı. Təəssüflənirəm ki, komandamız qrupdan çıxa bilmədi. Halbuki Belçika ilə görüşdə qələbə qolunu vurmaq da mümkün idi. Bununla belə, uşaqları təbrik etmək istəyirəm. U-17-nin heyətində yaxşı futbolçular var. Komandada yaxşı məşqçilər çalışır. Portuqaliyaya məğlubiyyətdən sonra Təbriz Həsənovun yükü öz üzərinə götürməsi effekt verdi”. 

"Layihə AFFA yanında Media Komitəsi tərəfindən maliyyələşdirilir"