"Fransa ilə görüşdə müdafiədəki gücümüzü göstərdik”

İngiltərənin U-17 millisinin baş məşqçisi Stiven Kuper Futbolxeber.az saytına müsahibə verib.

- Avropa çempionatındakı ikinci oyunda Fransa yığmasını məğlub etdiniz. 2:0 hesablı qələbəni necə şərh edə bilərsiz?

- Çətin oyun oldu. Fransa millisi güclü komandadır. Müdafiədəki gücümüzü göstərdik. Şadam ki, bu gün qələbə qazandıq.

- Fransa ilə görüş yığmanız üçün son şans idi. Demək olar ki, bu məqam komandanızın qələbə istəyini daha da artırdı?  

- Bəli, bu oyun bizim üçün çox vacib idi. İsveçlə görüşdə uduzmuşduq. Avropa çempionatında yolumuza davam etmək üçün qələbə qazanmalıydıq. Komandam çox yaxşı oynadı.

- Birinci hissədə müdafiədən oynamağınıza səbəb nə idi?

- Fransa topla çox güclüdür. Buna görə də oyunun müəyyən hissələrdində müdafiə olaunmağa məcbur idik.

- İlk oyunda İsveçə məğlub olduqdan sonra komandanızda nə dəyişdi ki, Fransa kimi güclü kollektivi məğlub etdiniz?

- İsveçlə görüşdən sonra heyətdə bəzi dəyişikliklər etdik. Bu da öz bəhrəsini verdi. Üstəlik, Fransa yığmasını çox yaxşı analiz etmişdik. Yekunda da istədiyimiz nəticəni qazandıq.

"Layihə AFFA yanında Media Komitəsi tərəfindən maliyyələşdirilir"