Ukraynanın baş məşqçisi: “Çox sevinsəm, mayın 12-si Bakını tərk etməli olacağıq”

Ukraynanın U-17 millisinin baş məşqçisi Aleksandr Petrakov Almaniya ilə görüşdən sonra Futbolxeber.az saytının suallarını cavablandırıb.

- Avropa çempionatının ilk turunda Almaniyaya qarşı baş tutan görüş haqda nə deyə bilərsiz?

- Nə deyim? Oyun 2:2 hesabı ilə başa çatdı. Nəticədən razə deyiləm. Biz 2 xal itirdik.

- Almaniyanın baş məşqçisi qeyd etdi ki, Ukraynanın bu gün bəxti gətirdi. Razısız bu fikirlə?

- “Atletiko”nun da bəxti gətirmişdi? Mən oyuna uyğun taktika seçmişdim. Onda olan şərait məndə yoxdur. Bu, futboldur və hərə özünə sərf edən kimi oynayır.

- Qrup mərhələsinə xal itkisi ilə başladınız. 1/4 finala adlamaq şansınızı necə dəyərləndirirsiz?

- Bunu yalnız Allah bilir.

- Əvvəlki müsahibələrinizdə yüksək əhval ruhiyyədə olurduz. Amma Almaniya ilə oyundan sonra çox əsəbi görünürsüz. Buna səbəb komandanızın qələbəni əldən verməsidir?

- Çox məyusam. Buna görə sevinə bilmərəm. Heç nədən səhv etdik və rəqib qapımıza qurdu. Çox sevinsəm, ayın 12-si Bakını tərk etməli olacağıq. Paytaxtınızı çox sevirəm, hələ ki vətənimə qayıtmaq istəmirəm.

"Layihə AFFA yanında Media Komitəsi tərəfindən maliyyələşdirilir"