Nazir müavini millimizin məğlubiyyətini şərh etdi: “Portuqaliya çox güclü idi”

“Futbolda kimsə udmalıdır, kimsə də uduzmalı. Təəssüf ki, Portuqaliya ilə görüşdə uduzan tərəf yığmamız oldu. Rəqib çox güclü idi. Komandamız bacardığı qədər mübarizə apardı”. Futbolxeber.az saytına açıqlamasında bu sözləri Gənclər və idman nazirinin müavini və İsmayıl İsmayılov U-17 yığmamızın Portuqaliyaya 0:5 hesabı ilə məğlub olduğu görüşü şərh edərkən deyib.

Nazir müavini 17 yaşadək futbolçular arasında Avropa çempionatının ölkəmizdə keçirilməsinə də münasibət bildirib: “Ölkəmizdə keçirilən hər bir yarış bizim üçün önəmlidir. Yığmamızın Avropa çempionatında oynaması rəqabətin formalaşmasında böyük əhəmiyyət kəsb edir. Düşünürəm ki, futbolçularımızın burda qazandıqları təcrübə onların gələcəkdəki inkişafına müsbət təsir göstərəcək”.

"Layihə AFFA yanında Media Komitəsi tərəfindən maliyyələşdirilir"