Almaniyanın baş məşqçisi: “Ukraynanın bəxti gətirdi”

Almaniyanın U-17 millisinin baş məşqçisi Meikel Şönveitz Avropa çempionatının ilk turunda Ukraynaya qarşı baş tutan görüşdən sonra Futbolxeber.az saytının suallarını cavablandırıb.

- Komandanız Avropa çempionatının ilk turunda Ukrayna ilə 2:2-lik heç-heçəyə nail oldu. Qarşılaşmaq haqda nə deyə bilərsiz?

- Komandam bu gün yaxşı çıxış etdi. Amma qələbə qazana bilmədik. Fikrimcə, bu gün 1 komanda futbol oynadı, digəri isə yox.

- Demək istəyirsiniz ki, Ukraynanın bəxti gətirdi?

- Bəli, belə demək olar. Həqiqətən də onların bəxtləri gətirdi. Oyun ərzində cəmi 2 şansları oldu, hər ikisində də qol vurdular.

- Almaniya yığmasının əslən azərbaycanlı olan üzvü Renat Dadaşovun çıxışından razı qaldız?

- Renat bu gün yaxşı oynadı. Turnir hələ davam edir. Əminəm ki, çempionatın gedişində o, qollarını vuracaq

"Layihə AFFA yanında Media Komitəsi tərəfindən maliyyələşdirilir"