AVRO-2016: “Doğma divarlar və azarkeş dəstəyi Azərbaycan millisinə kömək olacaq”

“Martda Bakıda Azərbaycan yığması ilə 2 yoxlama oyunu keçirmişdik. Hələ o vaxt ölkənizin bu turniri yüksək səviyyədə təşkil edəcəyinə əminliyimi ifadə etmişdim. Təşkilatçılıq baxımından bütün işlər yüksək səviyyədə görülür”. Futbolxeber.az saytına açıqlamasında bu sözləri Ukraynanın U-17 yığmasının baş məşqçisi Aleksandr Petrakov deyib.

25 il ərzində Bakının çox dəyişdiyini qeyd edən təcrübəli mütəxəssis Azərbaycan yığmasının baş məşqçisi Təbriz Həsənova uğurlar arzulayıb: “Azərbaycan millisinin baş məşqçisi Təbriz Həsənovla münasibətlərimiz çox yaxşıdır. Onunla 6 ildir ki, bir-birimizi tanıyırıq. Azərbaycan yaxşı yığmaya sahibdir. Düşünürəm ki, doğma divarlar və azarkeş dəstəyi Azərbaycana kömək olacaq”. 

"Layihə AFFA yanında Media Komitəsi tərəfindən maliyyələşdirilir"