ÇL: PSJ və "Atletiko" yarımfinalda

UEFA Çempionlar Liqasında 1/4 final mərhələsinin cavab görüşlərinə start verilib.

Futbolxeber.az saytının məlumatına görə, ilk oyun günündə iki görüş keçirilib.

"Atletiko" 1 həftə əvvəl 2:0 hesabı ilə qalib gəldiyi "Barselona"ya öz meydanında uduzsa da, iki oyunun nəticəsinə görə mərhələ adlayıb.

Madrid təmsilçisi yarımfinalda "Arsenal" (İngiltərə) - "Sportinq" (Portuqaliya) duelinin üstün qalibi ilə üz-üzə gələcək.

"Liverpul" isə öz meydanında PSJ-ni sınağa çəkib. Paris klubu ilk görüşdə olduğu kimi, cavab matçında da ingilislərdən üstün olub. PSJ 1/2 finalda "Bavariya" (Almaniya) - "Real" (İspaniya) cütünün güclüsü ilə qarşılaşacaq.

Qeyd edək ki, 1/4-in digər iki cavab görüşü sabah baş tutacaq.

UEFA Çempionlar Liqası

1/4 final, cavab oyunları

14 aprel

"Liverpul" (İngiltərə) - PSJ (Fransa) - 0:2

Qollar: Dembele, 72, 90+1

İlk oyun - 0:2

"Atletiko" (İspaniya) - "Barselona" (İspaniya) - 1:2

Qollar: Lukman, 31 - Yamal, 4, Torres, 24

Qırmızı vərəqə: Qarsiya, 79 ("Barselona")

İlk oyun - 2:0

15 aprel

23:00. "Bavariya" (Almaniya) - "Real" (İspaniya)

23:00. "Arsenal" (İngiltərə) - "Sportinq" (Portuqaliya)