“Bavariya”nı “Sautgempton”a dəyişdi

“Bavariya” qapıçısı Daniyel Peretsi icarəyə verib.

Futbolxeber.az-ın klubun saytına istinadən verdiyi məlumata görə, o, İngiltərənin “Sautgempton” klubuna icarəyə verilib. 25 yaşlı qolkiper mövsümün sonunadək bu klubda çıxış edəcək.

Perets mövsümün ilk hissəsini də icarə əsasında “Hamburq”da keçirib.

Qeyd edək ki, Daniyel Perets 2023-cü ilin yayında “Makkabi” (Təl-Əviv) klubundan “Bavariya”ya transfer olunub. İsrailli qapıçı Münhen təmsilçisinin heyətində indiyədək 7 oyunda meydana çıxıb və ötən mövsüm komanda ilə Bundesliqanın qalibi olub.