“Milan” Tomori ilə yeni müqavilə barədə razılığa gəldi

Fikayo Tomori tezliklə “Milan”la müqaviləsini yeniləyəcək.

Futbolxeber.az saytının məlumatına görə, bu barədə insayder Nikolo Skira bildirib. Onun sözlərinə görə, müdafiəçi ilə klub arasında əməkdaşlığın davam etdirilməsi barədə razılıq əldə olunub.

Tomori İngiltərə klublarının maraq dairəsində olsa da, “Milan”da qalmaq qərarına gəlib.

Qeyd edək ki, mərkəz müdafiəçisi 2021-ci ildən “Milan”da çıxış edir. Cari mövsüm o, bütün turnirlər nəzərə alınmaqla 19 matçda forma geyib və 3 dəfə məhsuldar ötürmə müəllifi olub.