“Tottenhem”in əsas transfer hədəfi müəyyənləşdi

"Atletiko”nun yarımmüdafiəçisi Konor Qallaher “Tottenhem”in əsas transfer hədəfidir.

Futbolxeber.az saytının məlumatına görə, bu barədə “TEAMtalk” yazıb. Qeyd olunub ki, London klubu bu həftə 25 yaşlı futbolçunun keçidi ilə bağlı qarşı tərəfə yeni təklif göndərəcək.

Konor Qallaher daha əvvəl Premyer Liqada “Çelsi”, “Çarlton”, “Suonsi”, “Vest Bromviç” və “Kristal Pelas”da forma geyib.

O, bu mövsüm “Atletiko”nun heyətində meydana çıxdığı 26 matçda 3 qol vurub, 1 dəfə isə məhsuldar ötürmə müəllifi olub.