Mahir Emreli dublunu şərh etdi

“Nürnberq”in hücumçusu Mahir Emreli dünən “Paderborn”a qarşı keçirdikləri matçla bağlı fikirlərini bildirib.

Futbolxeber.az saytının məlumatına görə, Azərbaycan millisinin hücumçusu dubl etdiyi görüşdən sonra instaqramda paylaşım edib:

“İstədiyimiz nəticə olmasa da, hər bir məğlubiyyət bir dərsdir. Mübarizəmizlə fəxr edirik, komandamızla fəxr edirik. Daha güclü qayıdacağıq. Dəstəyiniz üçün təşəkkürlər”.

Qeyd edək ki, 2-ci Bundesliqanın 30-cu turunun ev matçında “Nürnberq” 2:3 hesabı ilə uduzub. Komandasının hər iki qolunu M.Emreli vurub. Ümumilikdə o, 2-ci Bundesliqada 20 oyunda 6 dəfə fərqlənib, 1 qolun ötürməsini edib. Emreli 1 dəfə də kubok matçında fərqlənib.