Simeone püşkü dəyərləndirmədi: “Keçmiş yox, gələcək barədə düşünürəm”

“Atletiko”nun baş məşqçisi Dieqo Simeone UEFA Çempionlar Liqasının 1/8 final mərhələsində “Real”a rəqib olmaları barədə danışmaq istəməyib.

Futbolxeber.az saytının xarici KİV-ə istinadən verdiyi məlumata görə, argentinalı mütəxəssis bildirib ki, indi püşkü dəyərləndirmək zamanı deyil:  

“Mən bu barədə suala belə cavab verə bilərəm ki, şənbə günü bizi “Valensiya” ilə çempionat oyunu gözləyir. Hazırda bütün diqqətimiz həmin matça yönəlib. Keçmiş yox, gələcək barədə düşünürəm. ÇL-lə bağlı yalnız onu deyim ki, bizi qarşıda iki möhtəşəm matç gözləyir”.

Qeyd edək ki, Çempionlar Liqasının 1/8 final mərhələsi çərçivəsində “Atletiko” və “Real” arasında oyunlar martın 4-də və 12-də keçiriləcək.