Arda Gülər Ronaldonu ötdü, yalnız Yamaldan geri qaldı

Türkiyə milli komandasının yarımmüdafiəçisi Arda Gülər Avro-2024-ün 1/8 final mərhələsi çərçivəsində Avstriyaya qarşı keçirilən oyunun 59-cu dəqiqəsində məhsuldar ötürmə müəllifi olub. 19 yaşlı futbolçunun asmasından sonra Merih Demirəl ikinci qolu rəqib qapısından keçirib.

Futbolxeber.az saytının “Opta”ya istinadən verdiyi məlumata görə, Gülər Avropa çempionatları tarixində məhsuldar ötürmə müəllifi olan ən gənc ikinci futbolçu adına sahib çıxıb. Dünən 19 yaş 128 günlüyündə olan Arda bu nəticə ilə Kriştianu Ronaldonu geridə qoyub (19 yaş 146 gün).

Bu baxımdan rekord İspaniya millisinin üzvü Lamin Yamala məxsusdur. Xorvatiyaya qarşı matçda (3:0) Dani Karvahalın fərqlənməsinə şərait yaradan Lamal 16 yaş 353 günlüyündə olub və Avropa çempionatları tarixinə qol ötürməsi verən ən gənc futbolçu kimi düşüb.