Karvahal: “Real”dan sonra heç bir Avropa klubuna keçmərəm”

“Real”ın müdafiəçisi Daniel Karvahal gələcək karyerası haqda danışıb.

Futbolxeber.az saytının “Marca”ya istinadən verdiyi məlumata görə, ispan futbolçu Madrid klubunu tərk edəcəyi halda, karyerasını başqa qitədə davam etdirəcəyini bildirib:

“Mən “Real”dan ayrılarkən hansı yaşda və formada olacağımı qiymətləndirəcəyəm. Lakin əminliklə deyə bilərəm ki, “Real”dan sonra heç bir Avropa klubuna keçməyəcəm. Buna təminat verə bilərəm”.

“Real”ın yetirməsi olan Karvahal 2023/24 mövsümündə bütün turnirlər nəzərə alınmaqla 41 matçda forma geyib və 6 qol vurub, 5 məhsuldar ötürmə müəllifi olub.

Qeyd edək ki, onun “Real”la müqaviləsi gələn yay başa çatır.