“Braqa” Bakıya qələbə ilə gəlir

UEFA Avropa Liqasının pley-off mərhələsində “Qarabağ”ın rəqibi olan “Braqa” Portuqaliya çempionatında növbəti oyununa çıxıb.

Futbolxeber.az saytının məlumatına görə, Artur Jorjenin komandası 22-ci tur çərçivəsində öz meydanında “SC Farense”ni qəbul edib.

Görüş “Braqa”nın 2:1 hesablı qələbəsi ilə başa çatıb. 62-ci dəqiqədə Simon Banza və 85-ci dəqiqədə Çer Ndour fərqlənib. “SC Farense”nin yeganə qolunu 74-cü dəqiqədə Mohamed Belloumi vurub. Matçın ilk yarısında “Braqa”nın heyətində Joao Mutinyo penaltini qaçırıb.

Bu qələbə sayəsində xallarının sayını 43-ə çatdıran “Braqa” dördüncü pillədə qərarlaşıb.

Qeyd edək ki, “Qarabağ” və “Braqa” arasında keçiriləcək cavab matçı fevralın 22-də keçiriləcək. İlk oyunda təmsilçimiz 4:2 hesablı qələbə qazanıb.