Prosineçki “Qarabağ”ın futbolçularının baş məşqçisi oldu

Azərbaycan millisinin sabiq baş məşqçisi Robert Prosineçki Monteneqro yığmasına rəhbərlik edəcək.

Futbolxeber.az-ın Monteneqro Futbol Federasiyasının saytına istinadən verdiyi məlumata görə, 55 yaşlı mütəxəssislə birillik müqavilə imzalanacaq.

Xorvatiyalı çalışdırıcı fevralın 4-də sözügedən ölkəyə yollanaraq sözləşməyə qol çəkəcək. Onun yeni komandası ilə debütü Belarusla yoldaşlıq matçına təsadüf edəcək. Qarşılaşma martın 21-də Antalyada keçiriləcək.

Qeyd edək ki, hazırda “Qarabağ”da çıxış edən Marko Veşoviç və Marko Yankoviç də Monteneqro milli komandasının üzvləridir.

Əlavə edək ki, Robert Prosineçki 2014-2017-ci illərdə Azərbaycan yığmasının baş məşqçisi olub.