“Qarabağ”ın yarımmüdafiəçisi Afrika Millətlər Kuboku üçün dəvət aldı

“Qarabağ”ın futbolçusu Patrik Andrade Afrika Millətlər Kubokunun final mərhələsinin oyunlarına dəvət alıb.

Futbolxeber.az saytının məlumatına görə, yaşlı yarımmüdafiəçi bu yarışa çağırılan ölkəsinin 27 futbolçusu arasında yer alıb. Onun həmyerlisi və “Qarabağ”dakı komanda yoldaşı Leandro Andrade isə dəvət olunanlar sırasında yoxdur.

Qeyd edək ki, 24 komandanın yarışacağı Afrika Millətlər Kubokunun oyunları 13 yanvar - 11 fevral tarixləri arasında keçiriləcək. Kabo Verde millisi Məhəmməd Salahın kapitanı olduğu Misir, eləcə də Qana və Mozambiklə eyni qrupda yer alıb.