Mahir üçün 11 dəqiqə

Azərbaycan millisinin üzvü Mahir Emrelinin formasını geyindiyi "Dinamo" (Zaqreb) Xorvatiya çempionatında 18-ci tur oyununa çıxıb.

Futbolxeber.az saytının məlumatına görə, Zaqreb təmsilçisi autsayder "Rudes"i qəbul edib. Matç “Dinamo”nun 1:0 hesablı qələbəsi ilə başa çatıb. Yeganə qolu 76-cı dəqiqədə Kulenoviç vurub.

Mahir görüşə ehtiyat oyunçular skamyasında başlayıb. O, 79-cu dəqiqədə meydana daxil olub.

Qeyd edək ki,  "Dinamo" hazırda turnir cədvəlində 33 xalla (16 oyun) 2-cidir. Lider "Hayduk"un 40 (18 oyuna) xalı var.