“Keyn sözünü tutsa, “Bavariya”ya keçəcək”

“Bavariya”nın fəxri prezidenti Uli Höness Harri Keynin mümkün keçidi barədə danışıb.

Futbolxeber.az saytının “Sport1”ə istinadən verdiyi məlumata görə, funksioner ingilis forvardın Münhen klubuna gəlmək istədiyini bildirib:

“Harri Keyn aydın şəkildə bizə izah etdi ki, “Bavariya”ya keçmək istəyir. Əgər o, sözünü tutsa, bu transfer baş tutacaq. Keyn avrokuboklarda oynamaq istəyir. Bizim üçün xoşbəxtlikdən “Tottenhem” qarşıdakı mövsümdə qitə kuboklarında mübarizə aparmayacaq”.  

Qeyd edək ki, 2022/23 mövsümündə Keyn bütün turnirlər nəzərə alınmaqla 49 matçda 32 qol vurub.