Del Pyero “Yuventus”a qayıdır?

Əfsanəvi Alessandro Del Pyero sabiq klubu “Yuventus”a qayıdacağı barədə yayılan xəbərlərə aydınlıq gətirib.

Futbolxeber.az saytının məlumatına görə, italiyalı veteran Turin klubunun vitse-prezidenti vəzifəsinə təyin olunacağı barədə deyilənlərə belə reaksiya verib:

“Yayılan xəbərlərdən məlumatlıyam. Son zamanlar şayiələrin sayı artıb. Mən nə “hə” cavabını verəcəm, nə də “yox”. Təbii ki, mənim qəlbim “Yuventus”a bağlıdı. Lakin kluba gəlişim üçün ümumi layihə, ümumi istək olmalıdı”.

Xatırladaq ki, Alessandro Del Pyero 1993-cü ildən 2012-ci ilə kimi “Yuventus”da forma geyib.