"Nyukasl" 20 ildən sonra Çempionlar Liqasında

“Nyukasl” Çempionlar Liqasına vəsiqəni rəsmiləşdirib.

Futbolxeber.az saytının məlumatına görə, İngiltərə Premyer Liqasının 37-ci turunda “Lester”lə qolsuz heç-heçə edən komanda 70 xalla 3-cü pillədə qərarlaşıb.

Eddi Haunun komandası mövsümün başa çatmasına 1 tur qalmış 5-ci pillədə olan “Liverpul”u 4 xal qabaqlayır. Bu isə o deməkdir ki, "Nyukasl" Çempionlar Liqasına vəsiqə verən ilk 4-lükdəki yerini təmin edib.

“Nyukasl” sonuncu dəfə Çempionlar Liqasında 2002-2003 mövsümündə iştirak edib. Avrokuboklarda isə “Nyukasl” sonuncu dəfə 2012-2013 mövsümündə Avropa Liqasında çıxış edib.