Rodcers gedişi barədə: “Əminəm ki, komandanı Premyer Liqada saxlayacaqdım”

Brendan Rodcers “Lester”dən gedişini şərh edib.

Futbolxeber.az saytının “Mirror”a istinadən verdiyi məlumata görə, təcrübəli mütəxəssis vəzifəsindən uzaqlaşdırıldığı üçün məyus olduğunu gizlətməyib:

“Təbii ki, klubdan ayrıldığım üçün məyusam. Xüsusən də mövsümün sonuna yaxın getmək insana pis təsir edir. Tamamilə əminəm ki, vəzifəmdə qalsaydım, “Lester”i Premyer Liqada saxlayacaqdım. Bütün bunlara baxmayaraq, “Lester”dəki fəaliyyətimə görə daim fəxr edəcəm. İngiltərə kubokunun finalında “Uembli”də “Çelsi” üzərində qazandığımız qələbəni və avrokuboklara vəsiqə qazanmağımızı heç vaxt unutmayacam”.

Xatırladaq ki, aprelin 2-də “Lester” Rodcersin istefaya göndərildiyini bəyan edib. O, 2019-cu ilin fevralından klubu çalışdırırdı.

28 oyundan sonra 25 xalı “Lester” hazırda Premyer Liqada 19-cu pillədə qərarlaşıb.