Kan: “Bavariya”nı PSJ-dən də güclü rəqiblə oyun gözləyir”

“Bavariya”nın İdarə Heyətinin sədri Oliver Kan Çempionlar Liqasının 1/4 final mərhələsində qarşılaşacaqları “Mançester Siti” barədə danışıb.

Futbolxeber.az saytının məlumatına görə, veteran qolkiper rəqibin çox güclü olduğunu vurğulayıb:

“Biz deyə bilmərik ki, Çempionlar Liqasının qalibi olmağa məcburuq. Təbii ki, biz turniri qazanmaq istəyirik. Lakin bu, elə bir şeydir ki, onu əvvəldən planlaşdırmaq olmur. Bu dəfə bizi hətta ötən mərhələdə qarşılaşdığımız PSJ-dən də güclü rəqib gözləyir. “Liverpul”la matçda onlar əla futbol sərgilədilər. Həmin matçda “Siti” Holannsız belə mükəmməl təsir bağışladı”.

Xatırladaq ki, “Bavariya” və “Mançester Siti” arasındakı ilk matç 11 apreldə İngiltərədə oynanılacaq.