Runi: “O, mənə Şmeyheli xatırladır”

İngiltərə millisinin sabiq hücumçusu Ueyn Runi “Arsenal”ın qapıçısı Aaron Ramsdeylin fanatıdı.

Futbolxeber.az saytının məlumatına görə, bu haqda veteran futbolçu açıqlamasında deyib:

“Mən Ramsdeylin fanatıyam. “Sautgempton”la oyundakı səhvinə baxmayaraq, o, bir neçə epizodda fantastik seyv elədi. Ramsdeyl mənə Peter Şmeyheli xatırladıq. Təbii ki, Şmeyhelin səviyyəsinə çatmaq üçün daha çox çalışmaq lazımdı”.

Qeyd edək ki, Ramsdeyl 2021-ci ilin yayından “Arsenal”da çıxış edir. 24 yaşlı qapıçı cari mövsüm 35 matçda forma geyib. Bu görüşlərdə 37 top buraxan ingilis qolkiper 13 matçda qapısını toxunulmaz saxlayıb.