“Vilyareal”ın hücumçusu “Nyukasl”ın hədəfində

Samuel Çukvueze yayda “Vilyarreal”dan ayrıla bilər.

Futbolxeber.az saytının “Relevo”ya istinadən verdiyi məlumata görə, 23 yaşlı forvardın karyerasını İngiltərə Premyer Liqasında davam etdirmək şansı var. Belə ki, “Nyukasl” Çukvuezenin xidmətində maraqlıdı.

Xatırladaq ki, Samuel Çukvueze hələ ötən yay İngiltərəyə yollana bilərdi. Lakin onun “Everton”a keçidi son anda baş tutmamışdı.

Qeyd edək ki, Çukvueze bu mövsüm bütün turnirlər nəzərə alınmaqla 41 matçda meydana çıxıb, 13 qol vurub.