Vardi yarım illik qol həsrətinə son qoydu

İngiltərə Premyer Liqasının 33-cü turunda “Lester” “Lids”lə heç-heçə oynayıb - 1:1.

Futbolxeber.az saytının məlumatına görə, qonaqları məğlubiyyətdən xilas edən qolu 80-ci dəqiqədə Ceyms Vardi vurub. Bununla da “Lester”in hücumçusu 6 aylıq qol həsrətinə son qoyub. Sonuncu dəfə ötən ilin oktyabrında fərqlənən Vardi növbəti 19 görüşdə meydanı qolsuz tərk etmişdi.

Qeyd edək ki, hazırda 29 xalı olan “Lester” turnir cədvəlində 17-ci pillədə qərarlaşıb.