Alleqri: “Yuventus”da işləmək mənim üçün şərəfdi”

Massimiliano Alleqri “Yuventus”dakı gələcəyindən danışıb.

Futbolxeber.az saytının məlumatına görə, o, Turin klubunu çalışdırmaqdan məmnun olduğunu bildirib:

“Yuventus”da işləmək mənim üçün şərəfdi. Çox az adam burada 7 il duruş gətirə bilib. Təbii ki, həyatda çətin anlar olur. Amma belə vaxtlarda da insan başını dik tutmağı bacarmalıdı. Biz indi mövsümün sonunu uğurla başa vurmalıyıq. Çempionatın bitməsinə az vaxt qalıb. Ona görə də yenidən qələbələri sıralamalıyıq”.

Qeyd edək ki, 2014-2019-cu illərdə “Yuventus”u çalışdıran Alleqri 2021-ci ilin mayında ikinci dəfə kluba qayıdıb.