Kolo Muani “Bavariya”nın hədəfində

“Ayntraxt”ın idman direktoru Markus Kreşe “Bavariya”nın komandanın üzvü Randal Kolo Muani ilə maraqlanmasına münasibət bildirib.

Futbolxeber.az saytının məlumatına görə, o, Münhen klubundan rəsmi təklif almadıqlarını bildirib:

“Randal oyunu ilə bir çox klubların diqqətini çəkib. Bu, normal haldı. “Bavariya” da daxil olmaqla bir çox klubun onunla maraqlandığını söyləyə bilərik. Lakin bu ana qədər heç bir klubdan rəsmi təklif almamışıq. Hazırda Kolo Muani “Ayntraxt”da özünü çox yaxşı hiss edir”.

Qeyd edək ki, qeyri-rəsmi məlumatlara görə, “Ayntraxt” fransız hücumçunu 100 milyon avroya satmağı planlaşdırır.