“Mane “Arsenal” üçün əla transfer olardı”

Emmanuel Frimponq sabiq klubu “Arsenal”ı “Bavariya”nın hücumçusu Sadio Maneni transfer etməyə çağırıb.

Futbolxeber.az saytının məlumatına görə, o, seneqallı forvardın London klubu üçün faydalı olacağını bildirib:   

“Mane “Arsenal” üçün əla transfer olardı. O, həm hücumun mərkəzində, həm də cinahlarda oynaya bilər. Martinelli və Saka ilə yanaşı, Manenin də hücumda yer alması əla olardı. O, çətin oyunlarda komandanın daha güclü olmasına kömək olardı”.

Qeyd edək ki, hazırda “Bavariya”da qalmaqal yaşayan Manenin “Liverpul”a qayıdacağı barədə xəbərlər yayılıb.