Mbappe və Ramos onun PSJ-yə qayıtmasını istəmir

PSJ-nin futbolçuları hazırda “Yuventus”da icarə əsasında çıxış edən Leandro Paredesin kluba qayıtmasını istəmirlər.

Futbolxeber.az saytının “L'Equipe”ə istinadən verdiyi məlumata görə, argentinalı futbolçudan narazılıq PSJ - “Yuventus” oyunundan sonra başlayıb. Həmin vaxt Paredes matçın gedişində Ramosla mübahisə edib. Bu səbəbdən də ispan müdafiəçi onu PSJ-də görmək istəmir. Ramosu bu məsələdə Paris klubunun aparıcı üzvü Kilian Mbappe də dəstəkləyir.

Qeyd edək ki, Paredesin PSJ ilə 2024-cü ilə kimi müqaviləsi var. 28 yaşlı futbolçunun “Yuventus”la icarə müqaviləsi bu yay başa çatır.