Mourinyo məğlubiyyəti şərh etdi

“Roma”nın baş məşqçisi Joze Mourinyo İtaliya A seriyasının 31-ci turunda “Atalata”dan alınan 1:3 hesablı məğlubiyyəti şərh edib.

Futbolxeber.az saytının məlumatına görə, o, komandasının ikinci hissədə yaxşı oynadığını bildirib:

“Heyətdəki itkiləri nəzərə alsaq, yaxşı oynadığımızı düşünürəm. İlk hissədə vəziyyətə nəzarət edirdik. Düzdür, qol epizodları yaratmaqda çətinlik çəksək də, topu özümüzdə saxlayırdıq. İlk qolu heç nədən qapımızda gördük. Top itkisindən sonra biz dayanıb rəqibin qapımıza doğru irəliləməsini izləyirdik. İkinci hissədə daha yaxşı oynadıq. 1:2-dən sonra vəziyyəti dəyişəcəyimizi düşünürdük. Amma təəssüf ki, alınmadı”.

Qeyd edək ki, əvvəlki kimi 56 xalda qalan “Roma” 5-ci pillədə qərarlaşıb. “Atalanta” isə 52 xalla 7-ci pilləyə yüksəlib.