Messi qayıtsa, Busket “Barselona”da qala bilər

“Barselona”nın kapitanı Serxio Busketsin klubdakı taleyi qeyri-müəyyən qalır.

Futbolxeber.az saytının “MundoDeportivo”ya istinadən  verdiyi məlumata görə, təcrübəli yarımmüdafiəçinin qərarına Lionel Messinin mümkün qayıdışı təsir göstərə bilər. Belə ki, argentinalı ulduz Kataloniyaya qayıtsa, o zaman Buskets də klubda qala bilər.

Qeyd edək ki, Busketsin “Barselona” ilə müqaviləsi 2023-cü ilin iyununda başa çatır. Klubun ispan futbolçuya təklif etdiyi yeni müqaviləyə əsasən, onun illik maaşı 30 milyon avrodan 7-8 milyon avroya endiriləcək.

Əlavə edək ki, “Barselona”nın yetirməsi olan 32 yaşlı yarımmüdafiəçi 2005-ci ildən klubdadı. Əsas komandada o, 715 matçda forma geyib.