Pobeqa “Milan”ın xal itkisinin səbəbini açıqladı

“Milan”ın yarımmüdafiəçisi Tomasso Pobeqa “Bolonya” ilə oyunda (1:1) xal itkisinin səbəblərini açıqlayıb.

Futbolxeber.az saytının məlumatına görə, italiyalı yarımmüdafiəçi qələbə üçün dəqiqlik çatmadığını vurğulayıb:

“Komandamız oyuna yaxşı hazırlaşmaq üçün hər şeyi edir. Amma biz daha çox çalışmalı və daha yaxşı hazırlaşmalıyıq. Komandada hər kəs bütün gücünü meydanda qoyur, fərqi yoxdu, məşq, yaxud oyun olsun. Biz istəyirdik sübut edək ki, konsepsiya dəyişmir, heyətdəki bu qədər dəyişikliklərə baxmayaraq. Təəssüf ki, üstün olduğumuz görüşdə qələbə qazana bilmədik. Sadəcə dəqiqlik çatışmadı”.

Qeyd edək ki, bu heç-heçədən sonra xallarının sayını 53-ə çatdıran “Milan” turnir cədvəlində dördüncü yeri tutur.