Pioli “Milan”ın xal itkisini şərh etdi

“Milan”ın baş məşqçisi Stefano Pioli A seriyasının 29-cu turunda komandasının “Empoli” ilə oyunda xal itirməsini şərh edib.

Futbolxeber.az saytının “Football Italia”ya istinadən verdiyi məlumata görə, təcrübəli mütəxəssis qolsuz bərabərliklə yekunlaşan görüşdən sonra bunları deyib:

“Təbii ki, bu, bizim istədiyimiz nəticə deyil. Xüsusən də ilk hissəyə görə çox təəssüflənirəm. Çünki fasiləyə qədər zəif təsir bağışladıq. İkinci hissədə qalib gəlmək üçün lazım olan hər şeyi etdik. Yalnız çatışmayan qol oldu. Sanki top qapıdan keçmək istəmirdi. Xal itkisinə baxmayaraq, “Milan”ın hazırda yaxşı formada olduğunu düşünürəm”.

Qeyd edək ki, hazırda 52 xalı olan “Milan” turnir cədvəlində üçüncü yeri tutur.