Holann Aqueronun rekordunu təkrarladı

“Mançester Siti”nin hücumçusu Erlinq Holann İngiltərə Premyer Liqasının 27-ci turunda səfərdə “Kristal Pelas”a qarşı keçirilən oyunda penaltidən fərqlənib.

Futbolxeber.az saytının məlumatına görə, bu, cari mövsümdə norveçli futbolçunun səfər matçlarında rəqib qapılarından keçirdiyi onuncu topdu. Ev oyunlarında da 10 qol həddini keçən Holann “Mançester Siti”nin tarixində bu nəticəyə imza atmağı bacaran sayca ikinci futbolçu olub. Holanna qədər yalnız Serxio Aquero Mançester təmsilçisinin heyətində bir mövsümdə həm ev, həm də səfər matçlarında minimum 10 dəfə fərqlənməyi bacarmışdı.

Qeyd edək ki, cari mövsüm Holann bütün turnirlər nəzərə alınmaqla meydana çıxdığı 34 oyunda 33 qol vurub.