Klopp məğlubiyyəti şərh etdi

“Liverpul”un baş məşqçisi Yurgen Klopp İngiltərə Premyer Liqasının 27-ci turunda “Bornmut”dan alınan 0:1 hesablı məğlubiyyəti şərh edib.

Futbolxeber.az saytının məlumatına görə, alman mütəxəssis komandasının müdafiədə zəif təsir bağışladığını bildirib:

“Bu, bizim yaxşı oyunlarımızdan deyildi. İlk hissədə matça nəzarət bizim tərəfimizdə idi. Amma topa nəzarət etsək də, qol epizodu yaratmağı bacarmırdıq. Rəqib istədiyimiz oyunu göstərməyə imkan vermirdi. Biz pis müdafiə olunurduq. İkinci hissədə də pis təsir bağışlamadıq. Hətta penalti qazansaq da, ondan istifadə edə bilmədik. Bundan sonra isə tələsirdik. “Bornmut” Liqada qalmaq üçün mübarizə aparır. Onlar buna tam layiqdilər”.

Qeyd edək ki, bu nəticədən sonra “Liverpul” 42 xalla beşinci pillədə qərarlaşıb. “Bornmut” isə 24 xalla 16-cı yerə yüksəlib.