“Mançester Yunayted” “Benfika”nın hücumçusu ilə maraqlanır

“Mançester Yunayted”in növbəti transfer hədəfi məlum olub.

Futbolxeber.az saytının “Football Transfer Tavern”ə istinadən verdiyi məlumata görə, “Qırmızı şeytanlar” “Benfika”nın hücumçusu Qonsalu Ramoşla danışıqlar aparır.

İddia olunur ki, “Benfika” 21 yaşlı hücumçu ilə 100 milyon avro qarşılığında vidalaşmağa hazırdı.

Qeyd edək ki, Ramuş cari mövsüm meydana çıxdığı 34 matçda 23 qol vurub, 9 məhsuldar ötürmə verib.