Berdiyev evdə hələ belə uduzmamışdı

Rusiya Premyer Liqasının 19-cu turunda “Soçi” öz meydanında “Orenburq”a 0:4 hesabı ilə uduzub.

Futbolxeber.az saytının məlumatına görə, bu yenilgi Soçi klubunun baş məşqçisi Kurban Berdıyev üçün bir neçə uğursuz məqamla yadda qalıb.

Birincisi, “Soçi” Berdıyevin rəhbərliyi altında ilk dəfə böyükhesabla uduzub.

Digər tərəfdən 70 yaşlı mütəxəssisin çalışdırdığı komanda ilk dəfə öz meydanında belə hesabla məğlub olub. Buna qədər Berdıyevin komandaları 4 dəfə meydanı 0:4 hesablı yenilgi ilə tərk etsə də, bu matçlardan üçü Moskvada, biri isə Tomskda baş tutub.

Ümumilikdə, bu, Kurban Berdıyevin Rusiya Premyer Liqasında 16-cı böyükhesablı məğlubiyyətdi. O, 13 dəfə “Rubin”, 2 dəfə isə “Rostov”la ən azı 3 top fərqi ilə yenilgi acısı yaşayıb. Təcrübəli mütəxəssisi bu baxımdan ən çox hərəyə 3 dəfə ÇSKA, “Zenit” və “Spartak” məyus edib.