Meydana banan atan azarkeş həbs olundu

Rusiya kubokunun 1/4 final mərhələsi çərçivəsində keçirilən “Volqa” - “Zenit” matçında insident yaşanıb.

Futbolxeber.az saytının məlumatına görə, matçın gedişində yerli fanatlardan biri “Zenit”in yarımmüdafiəçisi Vendelə banan atıb.  Qarşılaşmadan sonra araşdırma aparan Ulyanovsk polisi həmin fanatı həbs edib.  

İnsidentlə bağlı hüquq-mühafizə orqanlarının yaydığı açıqlamada deyilir:”Polis əməkdaşlarının apardığı araşdırma zamanı həmin şəxsin kimliyi müəyyənləşdirilib. 2004-cü ildə təvəllüdlü şəxs oblast vətəndaşıdı”.

20.31-ci maddə ilə ittiham olunan 19 yaşlı gənc məhkəməni qərarı ilə həbs edilib.

Qeyd edək ki, fevralın 25-də Ulyanovskda keçirilən həmin görüşdə “Zenit” 3:0 hesablı qələbə qazanıb. Matç zamanı azarkeşlə bağlı baş vermiş həmin insidentə görə Ukyanovsk klubu 500 min rubl cərimə edilib. Üstəlik, komanda 1 oyununu azarkeşsiz keçirəcək.