Ançelotti: “Heç vaxt bu suala cavab verməyəcəm”

“Real”ın baş məşqçisi Karlo Ançelotti Kilian Mbappenin mümkün transferi barədə danışmaq istəməyib.

Futbolxeber.az saytının “El Espanol”a istinadən verdiyi məlumata görə, ispan jurnalistlərin “Mbappeni “Real”da görmək istərdinizmi” sualına italiyalı mütəxəssis belə cavab verib:  

“Siz mənə bu sualı bu gün də, 3 aydan sonra da, 2 həftədən sonra da ünvanlaya bilərsiz... Lakin mən heç vaxt bu suala cavab verməyəcəm”.

Qeyd edək ki, Mbappenin PSJ ilə müqaviləsi 2025-ci ilə kimidir. Lakin yayda onun 200 milyon avro qarşılığında “Real”a keçəcəyi deyilir.