Arteta “Kristal Pelas”la oyundan razı qalıb

“Arsenal”ın baş məşqçisi Mikel Arteta İngiltərə Premyer Liqasının 28-ci turunda “Kristal Pelas”a qarşı keçirilən oyun barədə danışıb.

Futbolxeber.az saytının məlumatına görə, ispan mütəxəssis komandasının 4:1 hesablı qələbəsi ilə yekunlaşan görüşdən razılığını ifadə edib:

“Oyundan, komandanın meydanda sərf etdiyi enerjidən, qətiyyətliliyindən razı qaldım. Matça nəzarət tamamilə bizim tərəfimizdə idi. Azarkeşlər yenidən çıxışımızı heyranlıqla izlədilər. Yalnız standart vəziyyətdən qol buraxmağımız məni məyus etdi”.

Qeyd edək ki, bu qələbədən sonra xallarının sayını 69-a çatdıran “Arsenal” liderliyini davam etdirir.