Loris xələfi kimi Mbappeni görür

Fransa millisinin sabiq qapıçısı Uqo Loris gedişindən sonra komandanın əsas kapitanının hansı futbolçu olması haqda sualı cavablandırıb.

Futbolxeber.az saytının məlumatına görə, “Telefoot”a müsahibəsində təcrübəli qolkiper xələfi kimi Kilian Mbappeni gördüyünü bildirib:

“Komandada günü gündən bütün aspektlərdə güclənən bir futbolçu var. O da Kilian Mbappedi. Ona görə də kapitan sarğısı məhz Mbappeyə həvalə olunmalıdı”.

Qeyd edək ki, 36 yaşlı Loris DÇ-2022-dən sonra kapitanı olduğu Fransa millisindəki çıxışını başa vurub. Onun xələfi olmağa əsas namizəd isə məhz millidə 66 matçda 36 dəfə fərqlənən Kilian Mbappedi.