Ukraynalılar Rusiya klubuna görə İspaniya şirkətindən imtina etdi

Ukraynanın “Karpatı” klubu idman formalarının istehsalı ilə məşğul olan “Joma” şirkəti ilə əməkdaşlıqdan imtina edib.

Futbolxeber.az saytının məlumatına görə, Ukrayna təmsilçisi bu addımı İspaniya şirkətinin Rusiya bazarında fəaliyyətini davam etdirməsi səbəbindən atıb. 

Daha əvvəl Ukrayna Futbol Assosiasiyası (UAF) “Joma”dan Rusiyanın “Zenit” klubunun loqosuna görə izahat tələb etmişdi.

“Karpatı”nın yaydığı açıqlamada bildirilib ki, klub əsas və aşağı yaş qrupları üzrə bütün komandaları idman formaları ilə təchiz edən şirkəti dəyişib.