Xavinin qardaşı “Barselona”ya rəhbərlik edəcək

Ötən tur cəzalanan “Barselona”nın baş məşqçisi Xavi Hernandes La Liqanın 24-cü turunda “Valensiya” ilə görüşdə komandasına rəhbərlik edə bilməyəcək.

Futbolxeber.az saytının AS-a istinadən verdiyi məlumata görə, Xavinin yoxluğunda qarşıdakı matçda Kataloniya  klubua onun köməkçisi, böyük qardaşı Oskar Hernandes rəhbərlik edəcək.

Xavi özü isə oyundan əvvəl və sonra “Barselona”nın paltardəyişmə otağında olacaq. Matçın start fitinə az qalmış isə baş məşqçi onun üçün ayrılmış xüsusi lojaya yollanacaq.

Xatırladaq ki, bu gün keçiriləcək “Barselona” - “Valensiya” oyunu Bakı vaxtı ilə 19:15-də start götürəcək.