“Rusiyalı idmançılara yazığım gəlir”

Moskva “Spartak”ının keçmiş hücumçusu Silvanus Nimeli rusiyalı idmançıların beynəlxalq yarışlardan kənarda qalmasına münasibət bildirib.

Futbolxeber.az saytının məlumatına görə, liberiyalı futbolçu Rusiya mətbuatına müsahibəsində tezliklə vəziyyətin dəyişəcəyinə inandığını söyləyib:

“Rusiyalı idmançılara yazığım gəlir. Təəssüf ki, onlar bu vəziyyətin girovuna çevriliblər. Ümid edirəm ki, tezliklə hər şey qaydasına düşəcək və rusiyalı idmançılar beynəlxalq yarışlara qatıla biləcəklər”.

Xatırladaq ki, Ukrayna ilə müharibə səbəbindən 2022-ci ilin fevralından Beynəlxalq Olimpiya Komitəsi rusiyalı və belarusiyalı idmançıların beynəlxal yarışlarda iştirakına qadağa qoyub.