Pioli: “Qol vurmaqla “Tottenhem”i təəccübləndirməliyik”

“Milan”ın baş məşqçisi Stefano Pioli Çempionlar Liqasının 1/8 final mərhələsinin cavab oyunu çərçicəsində “Tottenhem”ə qarşı keçiriləcək matçdan danışıb.

Futbolxeber.az saytının məlumatına görə, italiyalı mütəxəssis mərhələ adlamaq üçün səfərdə də qol vurmalı olduqlarını bildirib:

“Bu, şəxsiyyətlərin oyunu olacaq. Biz gedişata nəzarət etməliyik. “Tottenhem” hücumda çox qorxuludur və ilk dəqiqələrdən irəli atılacaq. Ona görə də ehtiyatlı olmalıyıq. İlk görüşdə qalib gəldiyimiz üçün cüzi üstünlüyümüz var. Amma rəqibi təəccübləndirmək və mərhələ adlamaü üçün mütləq səfərdə də qol vurmalıyıq”.

Xatırladaq ki, ilk oyunda “Milan” 1:0 hesabı ilə qalib gəlib.