“Arsenal”ın hücumçusu “Brayton” və “Nitsa”nın hədəfində

“Arsenal”ın hücumçusu Ris Nelson yayda klubunu dəyişə bilər.

Futbolxeber.az saytının məlumatına görə, İngiltərənin “Brayton” və Fransanın “Nitsa” klubu 23 yaşlı forvardı heyətində görmək ustəyir.

Nelson son zamanlar əsas heyətə düşməkdə çətinlik çəkir. Bu səbəbdən də o, yayda “Arsenal”la vidalaşmaq fikrindədir. Forvardın “topçular”la müqaviləsi mövsümün sonunda bitir.

Qeyd edək ki, Nelson cari mövsüm bütün turnirlər nəzərə alınmaqla “Arsenal”ın heyətində cəmi 8 oyuna çıxıb, 3 qol vurub.