Azar müqaviləsi bitənə kimi “Real”dan getmək istəmir

Eden Azar “Real”ı tərk etməyə tələsmir.

Futbolxeber.az saytının məlumatına görə, belçikalı futbolçunun Madrid klubu ilə müqaviləsi 2024-cü ilə kimidi. Azar sözləmə müddəti bitməmiş “Real”dan ayrılmaq istəmir.

Fevralda klub prezidenti Florentino Pereslə görüşən Azar istəyini ona da bildirib. Belçikalı bəyan edib ki, başqa heç bir klubla danışıq aparmır.

Bildirilir ki, təcrübəli futbolçunun ailəsi Madriddə özünü çox yaxşı hiss edir. Onun oğlanlarından biri isə bu yaxınlarda “Real”ın akademiyasına qəbul olunub. Bu səbəbdən də Azar klubunu dəyişməyə tələsmir.

Xatırladaq ki, təcrübəli yarımmüdafiəçi “Kral klubu”na 2019-cu ilin iyulunda transfer olunub.