“Qarabağ”ın yarımmüdafiəçisi məğlubiyyət acısı yaşadı

“Qarabağ”ın futbolçusu Marko Veşoviç Avro-2024-ün seçmə mərhələsinin növbəti oyununda meydana çıxıb.

Futbolxeber.az saytının məlumatına görə, o, 2-ci turda Monteneqro millisinin heyətində Serbiyaya qarşı ev matçında oynayıb. 31 yaşlı müdafiəçi start heyətdə yer alıb və sonadək oynayıb.

Veşoviçin millidə 45-ci görüşündə komandası 0:2 hesabı ilə uduzub. Serbiyanın hər iki qolunu Duşan Vlahoviç (78 və 90+6 dəqiqə) vurub.

“Qarabağ”ın Monteneqro millisinin üzvü olan digər futbolçusu Marko Yankoviç isə zədəsi səbəbindən bu oyunu buraxıb.